Kawentenan pandemi virus corona ngemargiang pikobet ring makesami wewidangan. Nenten wantah ring kesehatan kemanten nanging ring bidang ekonomi, sosial, agama, pendidikan masi sampun keni. Yakti akeh pisan pakaryan lan program sane patut katanggehang utawi nenten prasida kalaksanayang mawinan parindikan sakadi mangkin, rumasuk program kakak-adik asuh ring SMA Negeri 1 Singaraja.
Pinaka silih sinunggil palaksanayan Tri Hita Karana inggih punika pawongan sane marupa asah asih asuh majeng umat manusa, program kakak-adik asuh puniki ngawinang rumaket rasa manyama sisia ring SMA N 1 Singaraja. Malarapan antuk program puniki, soang-soang sisia patut madue kakak asuh lan adik asuh sane mapupul ngawentuk kulawarga asuh. Tetujon ring program kakak adik asuh puniki inggih punika anggen ngicalang pabinayan kakak kelas lan adik kelas, miwah prasida rumaket rasa manyama sisia ring SMA N 1 Singaraja.
Mangda ngamolihang tetujonnyane, program kakak-adik asuh sampun ngalaksanayang sakancan pakaryan sane becik, minakadi imbannyane pakaryan “Megibung sareng kakak-adik asuh”. Ring pakaryan punika sisia katunas mangda makta ajengan saking jero lan ngajeng ajengan punika sareng kakak-adik asuh ring sekolah. Salanturnyane wenten pakaryan “Mareraosan sareng kulawarga asuh”. Rikala rahina sukra biasane wenten agenda soang-soang kulawarga asuh mapupul ring lapangan hijau SMA N 1 Singaraja mabebaosan indik sekolah, tugas, lan sane lianan. SMA Negeri 1 Singaraja taler ngaryanin makudang pacentokan sane nyihnayang asapunapi satinut soang-soang kulawarga asuh minakadi ring acara wanti warsa SMA Negeri 1 Singaraja inggih punika pacentokan adu yel, miwah makudang-kudang pacentokan becik sane lianan. Nanging ring parindikan pandemi puniki, pakaryan punika nenten prasida kalaksanayang.
Lantas napi sane prasida iraga laksanayang?
Pandemi nenten ja ngehalangin iraga mangda rumaket asah asih asuh sareng sawitra. Punika mawinan tetujon ring program kakak-adik asuh sapatutne prasida kalaksanayang antuk implementasi sane kaanutin sareng parindikan pandemi. Puniki makudang-kudang conto pakaryan sane prasida kalaksanayang mangda prasida rumaket sareng kulawarga asuhnyane.
Lantas yening ngamanggihin kamewehan ring pelajahan, sapatutne mangda iraga sareng sami saling welas asih lan tan demit teken kawikanan sane iraga gelahang. Iraga dados metaken utawi ngawedarang kawikanan iraga sareng lianan dados anggen media sosial chatting, video call, utawi anggen aplikasi Zoom miwah Google Meet.
Lantas ring galah masandekan iraga prasida matemu ngangge media online utawi virtual sinambi sareng-sareng mabebaosan indik kelas. Ring galahe puniki, adik asuh dados metaken indik sapunapi kewentenan SMA N 1 Singaraja puniki sadurung kawentenan pandemi, lan kakak asuh dados malih nyeritayang makudang pidabdab sane sampun kelaksanayang. Selanturnyane, iraga dados ngawentenang acara ngajeng sareng kulawarga asuh iraga manut virtual.
3.Sarahina sareng kaluwarga asuh.
Rikala libur utawi akhir pekan, kakak-adik asuh prasida ngelaksanayang geginan sane kaanggen ngeleketang dewek ring sajeroning kakak asuh lan adik asuh punika. Kegiatan sane prasida kalaksanayang inggih punika nobar utawi mebalih suatu acara bareng bareng, madolanan sareng sareng, miwah sane lianan sane kalaksanayang online utawi virtual.