Nincapang Kualitas Full Day School antuk Ngawangun Parisolah sane Becik

Panerapan Full Day School inggih punika silih sinunggil alternatif antuk ngatasin pikobet papalajahan, ring prestasi miwah moral utawi akhlak. Nganutin Full Day School, rerama dados nambekin parikrama negatif sane kelaksanayang olih okanyane. Full Day School ngicenin dasar sane kuat ring sekancan aspek luire perkembangan intelektual, fisik, sosial lan emosional. Sistem Full Day School ngawajibang sisia malajah kirang langkung kutus jam ring sekolah. Wenten pangandikan saking tokoh maindik Full Day School saking mantan Menteri Pendidikan lan Kebudayaan RI inggih punika bapak Muhadjir Efendi sane negasang Full Day School patut kalaksanayang krana para sisia polih mapupul sareng keluarga ipun ring akhir pekan lan rerama ten dados jejeh sareng maindik keamanan fisik miwah keamanan pergaulan alit-alit ipun.

Full Day School sampun kelaksanayang ring sekancan sekolah ring Kabupaten Buleleng, silih sinunggil sekolah SMA Negeri 1 Singaraja. SMA Negeri 1 Singaraja inggih punika sekolah favorit lan kabaos sekolah kapertama ring Kabupaten Buleleng. Sekancan sekolah pastika madue tetujon antuk ngelaksanayang sistem pemlajahan. Ring SMA Negeri 1 Singaraja tetujon Full Day School inggih punika ngarepang sisia nenten wantah berprestasi akademik lan non akademik, nanging ngamajuang akhlak majeng ring sisia mangde dados insan sane berkarakter. Nanging, pamargi indik Full Day School punika sayuakti ngawinang sisia sukeh rikala ngatur waktu makarya tugas lan aktivitas sane lianan, sane ngawinang indike puniki nenten ngamolihang hasil sane becik. Selanturnyane sisia kirang nyerepang materi sane kelanturang, sisia marasa leleh krana kirangnyane galah masandekan, paindikan puniki ngranayang sisia males ngawinang tugas, lan dahatnyane tingkat stress.

Krana dampak punika, sisia patut ngewangun kabiasaan becik mangda Full Day School lebih efektif. Conto kabiasaan becik inggih punika ten nunda pekaryan, ngardi skala prioritas, maktayang cara melajah mandiri sane kesenengin, ngemanfaatang rahina libur, lan nyalanang pola idup sehat. Pakaryan sane iraga gelahang ten kapragatang krana nunda pakaryan punika. Yening jadwal terstruktur, iraga nyidaang ngeminimalisir nunda pakaryan sane prasida iraga karyanin. Aab ngatur galah antuk ngaryanin jadwal, dados sertain antuk ngardi skala prioritas. Skala prioritas kaanggen milah pakaryan manut prioritasnyane mangda iraga ngidaang antuk milah pakaryan sane prasida iraga karyanin malunan. Krane punika iraga ngidaang ngemanfaatang galah sane becik mangda pakaryan iraga suud maksimal lan ngidaang ngemanfaatang galah anggen masandekan lan galah sareng kaluarga.

Rikala jam pelajaran ring sekolah rasa emed lan arip rikala melajah minab pepes karasayang, rasa punika ngeranayang penyerapan materi ten maksimal. Olih krana ipun, maktayang cara melajah mandiri sanget ngewantu sisia nyaman rikala melajah. Yening nerapang metode melajah sane cocok sareng sisia, kualitas kegiatan pemlajahan sinah makta hasil sane becik. Selanturnyane irage dados nganggen rahina libur antuk ngamanjaang angga. Manfaatang galah punika antuk melali, makumpul sareng keluarga miwah nyalanang aktivitas sane kasenengin.

Lianan ipun, nyalanang pola idup sehat ngewantu iraga antuk mengefektifkan sistem Full Day School. Sisia kantun wenten ring masa pertumbuhan sinah iraga perlu ngejaga kesehatan ragan sareng ngelaksanaang pola hidup sehat kadi ngajeng ajengan sane bergizi, olahraga sane teratur, miwah sane lianan. Nerapang pola idup sehat rikala Full Day School dados nincapang sistem kekebalan ragan mangda iraga ten enggal sungkan.

DAFTAR PUSTAKA

EduChannel. (2022, Maret 17). Full Day School. Retrieved November 10, 2022, melalui

https://hellosehat.com/parenting/anak-6-sampai-9-tahun/perkembangan-anak/pro-dan-kontra-full-day-school/

Ema Maulidya Bawazir, Dr. I Wayan Mudana, M.Si. Dr. Luh Putu Sendratari, M.Hum. (2020, September). PENERAPAN FULL DAY SCHOOL DI SMA NEGERI 1 SINGARAJA. Retrieved November 9, 2022, melalui

https://www.researchgate.net/publication/345399261_PENERAPAN_FULL_DAY_SCHOOL_DI_SMA_NEGERI_1_SINGARAJA_LATAR_BELAKANG_PENERAPAN_DAN_PENGARUHNYA_TERHADAP_PRESTASI_BELAJAR_SOSIOLOGI_DI_KELAS_XI_IIS

Ibrah La Iman. (2022). Membincangkan Kembali Kontroversi Seputar Full Day School. Retrieved November 10, 2022, melalui

https://www.pijarnews.com/opini-membincangkan-kembali-kontroversi-seputar-full-day-school/

Larastining Retno Wulandari. (2022, Oktober 28). Apakah Sistem Belajar “Full Day Scholl” Baik untuk Anak Sekolah. Retrieved November 11, 2022, melalui.

https://hellosehat.com/parenting/anak-6-sampai-9-tahun/perkembangan-anak/pro-dan-kontra-full-day-school/

Kelompok 3

1. Ni Luh Agustin Putri Widyani (XI IBB)

2. Buddha Cipta Surya Perkasa (XI MIPA 1)

3. Ni Made Sri Anjaswari (XI MIPA 1)

4. Putu Angelina Devi Wahyuni (XI MIPA 1)

5. Ayu Kade Widya Saraswati (XI MIPA 4)

6. Made Indah Kurnia Lestari (XI MIPA 9)

7. Ni Made Ayudiarani (X-A)

8. Kadek Angga Saputra (X-I)